Innleiing
Ved ein
tilfeldighet i Riksarkivet fann eg den hittil eldste skattelista som
inneheld brukarnamn frå Helgøya. Skattelista det er snakk om er
Landskatten frå 1613. Denne og Bygningskatten frå 1617 skreiv eg av
og dei er i sin helhet gjengitt nedanfor.
Det som er noe
rart er at inga av desse skattelistane korkje genealogisk eller
busetnadshistorisk har vori brukt tidligare. Per Øivind Sandberg
seier i forkapitellet, Nes inntil 1721, i Nes bygdebok: Den
første pålitelige registreringen av bosetningsenhetene på Helgøya vi
har bevart, stammer fra 1649.
Kjelda Sandberg her visar til er Jens Bjelkes jordebok frå 1649.
Sandberg bygger sitt forkapitell i stor grad på punktundersøkelsen
han i slutten av 1970-åra gjorde for Ødegardsprosjektet (sjå årboka
Nes og Helgøya 1977, s. 55-110).
Sandberg skriv
at Mariakyrkjas prostilen vart slått saman med Rakkestad len til ei
eigen forlening i 1606 og at denne forleninga vart gitt åt Claus von
Ahnen.
Claus von Ahnen hadde denne forleninga i perioden 1610-1626. Det er
på bakgrunn av det Sandberg skriv om Mariakyrkjas prostilen noe rart
at ingen har vist om desse kjeldane. Hensikten med denne artikkelen
er å vise hossen konsekvensar dette har fått for gards- og
slektshistoria for Helgøya.
Men fyrst
gjengir eg dei to skattelistane i rett avskrift etterfulgt av ei
normalisert form.
Skattelistane
Den fyrste lista frå 1613 ligger under Mossedal len i Akershus
lensrekneskapar (kort 34.7) og inneheld namnet på 26 skattebøndar.
Trulig er dette heile busetninga på Øya ved dette leitet viss vi ser
bor frå Hovinsholm som nok har hatt skattefritak.
Avskrift av landskatten for Helgøya
1613
Øen hinnhelge paa Hiedemarckenn
Fuldgaarder
Jffuer
Auglangrødt
Bijrge Eegh
Olluff Wienn
Olluff Kielbrødt
Nielb
Kamperødt
Thamis Hagelrødt
Lauritz Huall
Thore Morødt
Oluff Grimsrudt
Lauritz Suennerud xvij daller
Thore Skauenn
Anders Horne
Lauritz Sundt
Erick Heggen
Mogens Staff
Anders Escherødt
Peder Sundt
Ødegaarder
Anders Backerudt
Chresten Mijrre
Erick Røraasb
Steinn Aasben
Erick Regnerødt jv daller
Gunde Fieldt
Arne Loduigen
Torkild Presterud
Knud Tostenrud
Iver Avlangrud,
skattar 1 dalar.
Børge Eik, skattar 1 dalar.
Ola Vien, skattar 1 dalar.
Ola Kjellsrud, skattar 1 dalar.
Nils Kamperud, skattar 1 dalar.
Tåmås Håvålsrud, skattar 1 dalar.
Lars Kval, skattar 1 dalar.
Tore Maurud, skattar 1 dalar.
Ola Grimsrud, skattar 1 dalar.
Lars Svennerud, skattar 1 dalar.
Tore Skavang, skattar 1 dalar.
Anders Horn, skattar 1 dalar.
Lars Sund (Øvre), skattar 1 dalar.
Erik Heggen, skattar 1 dalar.
Mons Stav, skattar 1 dalar.
Anders Eskerud, skattar 1 dalar.
Per Sund (Nedre), skattar 1 dalar.
Tilsaman blir
dette 17 dalar.
Ødegardar
Anders Bakkerud,
skattar ½ dalar.
Kresten Myre, skattar ½ dalar.
Erik Røråsen, skattar ½ dalar.
Stein Åsen, skattar ½ dalar.
Erik Raknerud, skattar ½ dalar.
Gunner Fjell, skattar ½ dalar.
Arne Lodvika, skattar ½ dalar.
Torkjell Presterud, skattar ½ dalar.
Knut Trosterud, skattar ½ dalar.
Tilsaman blir
dette 4½ dalar. Alt i alt blir det 21½ dalar av dei 26 skattebøndane.
Bygningsskatt
1616-1617 Mossedal len i Akershus lensrekneskapar (kort 44.3) som
reknar opp 26 skattebøndar, like mange som den førre. Også her har
nok Hovinsholm skattefritak.
Avskrift av bygningsskatten for Helgøya
1616-1617
Øenn Helge, Paa Heddemarcken
Hiellegaarde,
Olluff Wienn
Bijrge Eig
Jffuer Aufflungrødt
Olluff Kielsrødt
Niels Kampperødt
Thamis Hagelsrødt
Lauridtz Huall
Thorre Møerødt
Olluff Grimbsrudt
Lauridtz Suennerødt
Thore Skaffuen
Anders Hoende
Lauridtz Sundt
Peder Sundt
Erick Heggenn
Mogenns Stabff
Annders Eskerødt
Lattris
Huius
Hielle gaarde
Xvij
Halffue
gaarde
Olluff
Loffuigen
Erick Rør Aasbenn
2
(ny side)
Øddegaarder
Lauridtz
Backerødt
Thorre Mijrre
Annders Aaben
Erick Racknerødt
Gunder Fieldt
Torckild Presterødt
Olluff Thostenrudt
Lattris
Huius
Ødegaarder vij
Summarum
Offuer Øen den Helge,
Hielle gaarde xvij Er xiij daller
j ortt
Halffue gaarde ij Er iij ortt
Ødegaarde vij Er ij daller
j ortt
Beløber tillsamen Pending xv daller j ortt
Heile gardar
Ola Vien
Børge Eik
Iver Avlangrud
Ola Kjellsrud
Nils Kamperud
Tåmås Håvålsrud
Lars Kval
Tore Maurud
Ola Grimsrud
Lars Svennerud
Tore Skavang
Anders Horn
Lars Sund (Øvre)
Per Sund (Nedre)
Erik Heggen
Mons Stav
Anders Eskerud
Halve gardar
Ola Lodvika
Erik Røråsen
Lars Bakkerud
Tore Myre
Anders Åsen
Erik Raknerud
Gunner Fjell
Torkjell Presterud
Ola Trosterud
Tilsaman skulle
kvar bonde på ein heilgard svare 72 skilling, på ein halvgard 35
skilling og på ein ødegard 24 skilling. Tilsaman kom det inn i
bygningsskatt frå Øya 15 dalar og 1 ort.
Kva nytt kan skattelistane gje oss av
slektsopplysningar?
På Avlangrud
nemnast Iver både i 1613 og 1617. Garden vart delt i ein øvre og ein
nedre gard i 1660-åra. Iver er ikkje nemnt i bygdeboka. Brukar av
den øvre garden i 1660-åra var Erik Andersson f. o. 1630 og brukar
av den nedre garden ved same leite var Hallvord Olsson, son av Ola
Fjell på Toten, f. o. 1624. Både Erik og Hallvord er født i for
seint til at det er sannsynlig at dei er værsoner av Iver.
På Eik er Børge
nemnt både i 1613 og 1617. Børge er nemnt i bygdeboka som far åt Ola
og Nils Børgesoner, forutan at han var tilstade ved ein
grenseoppgang i 1634.
På Vien var Ola
brukar ved dei to skattane. Heller ikkje han er nemnt i bygdeboka.
Derimot er trulig hans son, Per Olsson f. o. 1604, nemnt i 1660-åra
og frametter til i o. 1680. Ola var brukar av Kjellsrud i 1613 og
1617. Han fins ikkje nemnt i bygdeboka. Den fyrste brukaren
bygdeboka har er Karl som var brukar av garden til 1655.
Nils var brukar av Kamperud ved
dei to skattane og er ikkje nemnt i bygdeboka. Den fyrste brukaren i
bygdeboka er Per Nilsson f. o. 1614 som muligens er sonen.
På Håvålsrud
het brukaren Tåmås i 1613 og 1617. Han er heller ikkje omtalt i
bygdeboka. Den fyrste brukaren i bygdeboka er Even Tordsson, f. o.
1605, nemnt frå 1659 og utover.
Lars på Kval er
nemnt ved dei to skattane og han er omtalt i bygdeboka med fleire
born født frå 1606 og utetter. Bygdeboka har her også ein brukar før
ved namn Nils som var lagrettemann i 1591.
På Maurud heter
brukaren Tore i 1613 og 1617. Tore er ikkje nemnt i bygdeboka. Den
fyrste brukaren bygdeboka har er Narve Olsson som det var skifte
etter i 1662. Kona hass het Kari Persdotter.
På Grimsrud het
brukaren Ola i 1613 og 1617. Han er heller ikkje nemnt i bygdeboka.
Han kan være far åt den fyrste brukaren som bygdeboka nemnar, Mons
Olsson f. o. 1600. Mons brukar av garden i 1660-åra.
Lars hetar
brukaren på Svennerud i 1613 og 1617. Bygdeboka nemnar også ein ved
dette namn som var nemnt som bondelensmann i tida 1659-1660. Viss
det er same mann må han i så fall vera tilårskommen som
bondelensmann i 1660. Det er derfor svært usikkert om det er same
mann. Helst er det vel snakk om to personar med same namn.
På Skavang var
Tore brukar ved dei to skattane. Bygdeboka har fått med seg Tore da
han var lagrettemann i 1591.
På Horn er
Anders nemnt i 1613 og 1617. Han er nok identisk med den Anders
bygdeboka nemnar som kyrkjeverge i 1625.
På ein av Sund
gardane er Lars nemnt i skattane. Trulig er han identisk med den
Lars på Øvre Sund som er nemnt i bygdeboka og som var død før 1658.
På Heggen er
Erik nemnt som brukar i 1613 og 1617. Han er ikkje nemnt i
bygdeboka. Den fyrste brukaren bygdeboka har med seg er Jo Eriksson,
f. o. 1610, som har born født i tida o. 1648-1672. Jo hadde ein bror
Per som var brukar på Røråsen. Brukaren der het også Erik i 1613 og
1617 og det blir dermed uvisst om Jo og Per var sonar av Erik Heggen
eller Erik Røråsen.
Mons er brukar
på Stav i 1613 og 1617 er nok identisk med den fyrste brukaren i
bygdeboka, Mons Persson f. o. 1585, som det er skifte etter i 1665.
Ut i frå alderen skulle han ha vori 28 år i 1613 og det høvar bra
med alderen på ein husbonde.
Eskerud har
inga brukar i 1613, men i 1617 er Anders nemnt. Han er ikkje nemnt i
bygdeboka. Den fyrste brukaren som er nemnt i bygdeboka er Asgaut
Klemetsson, f. o. 1603 og brukar i 1650-60 åra. For det vi veit kan
Asgaut ha vori ein værson av Anders, men dette blir rein gjetning.
På ein av Sund
gardane er Per brukar i 1613 og 1617. Han kan være identisk med den
Per på Nedre Sund som er nemnt i bygdeboka og som det var skifte
etter i 1661. Men det forutsettar at han må ha vori godt opp i åra.
I følge bygdeboka hadde han ein son Hans født i 1653 og det blir noe
seint for ein mann som var brukar av garden allereie 40 år tidligare.
Mest sannsynlig er desse to Perane ikkje same mann. Men det er
sannsynlig at det kan ha vori eit slektskap.
Anders er nemnt
som brukar på Bakkerud i 1613, men i 1617 er Lars brukar av garden.
Ingen av desse er nemnt i bygdeboka. Den fyrste brukaren i bygdeboka
er Jens Tordsson f. o. 1600 som var brukar i 1660-åra. Jens si
fyrste kone het Tore Andersdotter og det var skifte er ho i 1662. Ut
i frå namn og alder er det sannsynlig at ho var ei dotter av Anders.
Kresten var
brukar på Myre i 1613, men i 1617 var Tore brukar av garden. Heller
ingen av desse er nemnt i bygdeboka. Jørn Persson, f. o. 1619 er den
fyrste brukaren som er nemnt i bygdeboka. Han hadde tre born som er
kjent nemlig: Per, Lars og Erik. Ettersom vi ikkje veit kva kona åt
Jørn het er det uvisst om det var noe slektskap mellom desse
brukarane. Ut i frå namna åt borna er det derimot ingen ting som
tydar på det.
På Røråsen var
Erik brukar i 1613 og 1617. Han er ikkje nemnt i bygdeboka. Den
fyrste som er nemnt i bygdeboka er Per Eriksson, f. o. 1616 som var
brukar i 1660-åra. Det er nemnt at Per hadde ein bror som het Jo som
budde på Heggen. Ettersom brukaren på Heggen også het Erik i 1613 og
1617 er det usikkert om Per og Jo var sonar der eller om dei var
sonar her.
På Åsen er
Stein nemnt som brukar i 1613, men i 1617 var Anders brukar av
garden. Inga av desse er nemnt i bygdeboka. Den fyrste som er nemnt
i bygdeboka er Erik Andersson som hadde born født o 1658 og o. 1667.
Det er mulig at Erik kan ha vori ein son av den Anders som er nemnt
i 1617, men ettersom Anders var eit mye brukt namn er det usikkert.
På Raknerud var
Erik brukar ved dei to skattane. Han er ikkje nemnt i bygdeboka.
Lars Svensson, f. o. 1614 som det var skifte etter i 1668 er den
fyrste som er nemnt i bygdeboka. Kona hass het Kari Larsdotter. Det
er dermed uvisst om det var noe slektskap mellom desse brukarane.
Gunner var
brukar av Fjell. Den fyrste som er nemnt i bygdeboka er Iver Jensson,
f. o. 1635, som var brukar av garden i 1660-åra.
Arne var brukar
i Lodvika i 1613, men i 1617 er Ola brukar. Det er mulig at denne
Ola er identisk med den Ola som var brukar av garden i 1661.
På Presterud er
Torkjell brukar og han er ganske sikkert far åt brukaren i 1660-åra
som hetar Tosten Torkjellsson f. o. 1613. På Trosterud var Knut
brukar i 1613, men i 1617 var Ola brukar. Trulig er den Ola
Knutsson, f. o. 1605, som er brukar i 1660-åra Knut sin son.
Konklusjon
Denne
gjennomgangen av dei 26 gardane som er nemnt i skattelistane viser
at på heile 19 av dei kjemer vi ein generasjon lenger attende enn
bygdeboka for Nes. På 6 av dei 19 er det, utifrå namnelikhet,
sannsynlig også slektskap mellom brukarane i skattelistane og den
eller dei fyrste som er nemnt i bygdeboka.
Altså kan vi
komme ein generasjon lenger attende på heile 73 % av gardane på Øya
ved hjelp av desse listane. Og på 23 % er det sannsynlig snakk om
far eller værfar av den fyrste i bygdeboka. Verdien av desse to
skattelistane må derfor seiast å vera stor. Det må understrekast at
eg ikkje har gått gjennom alt av skattelistar for Øya, men kun desse.
Ved ein nøyare gjennomgang av lensrekneskapane virkar det som det
ikkje fins eldre skattelistar enn Landskatten frå 1613 som inneheld
namn på brukarar. Det virkar også som om Bygningsskatten er den nest
eldste lista som inneheld namn på brukarane. Det er derimot grunn
til å tru at det fins ein del skattelistar etter 1617. Dette
materialet har eg ikkje sett på.
|